瞞街坊兩個月 「消防攞我哋條命較飛」

租戶潘女士對事件感到訝異及驚慌，她指不時見到樓層走廊堆滿雜物，擔心屋邨火警隱患處處。事實上，榕園樓確有高層單位於近年因囤積雜物而不慎起火，潘指一旦發生火警而消防喉「乾喉」，會出現冇水救火的苦況，後果不堪設想。她打算向消防處作出投訴，「件事等於攞我哋條命較飛，我哋真心希望獲得安全，政府部門有責任幫手！」

另一租戶楊女士自言對事件後知後覺，她表示管業處理應盡快修好涉事喉管，而消防處亦有責任擔任監督角色。她要求處方加強監管，「消防處由得管業處熄水掣，唔漏水就算？如果突然火警，處方係咪都由得我哋燒？」她認為消防處亦應定期巡查屋邨，令市民安心。

居民：住卅年鮮見消防巡查

至於單位業主歐陽先生形容事件離譜，他指不見任何人就事件張貼通告或發出郵件通知住戶，「我平時會出席居民大會，連業主立案法團報告都會睇，但就冇人提過原來冇水救火！」他直言平時絕少見到消防處人員主動踏足其大廈，「除了報警會見到佢哋，基本上住足三十年都冇咩見過佢哋到場檢查。」