政府建議撥款十億元成立建造業創新及科技基金，有議員就話香港近日天氣酷熱，工人喺地盤施工更加辛苦，就係因為沿用傳統方式施工，傷亡數字高，又批評基金金額低，仲話好似係政府出豉油，業界出雞添！老實講，香港有咁多基建工程，而建造業人手又短缺，要吸引年輕人入行亦唔易，要推動建造業發展嘅話，呢十億元簡直係杯水車薪，唔通發展局局長黃偉綸唔了解業界嘅狀況？抑或係佢諗住用基金暫時塞住議員把口，博鬧少啲咋？
