所謂施比受更為有福，做得善事多雖然唔一定話有咩好回報，但係每次做完善事之後都會覺得心情暢快得多。又有句說話係心善則美，所指嘅美係有善心令人內在美增強，池岡星香唔知係咪擁有一顆善心而變到咁索呢？
日本寫真界近年湧現出好多超新星，好似被喻為「千年一遇之童顏巨乳」嘅淺川梨奈當然係其中一位啦，另外仲有被稱為索到破晒格嘅華彩明日香、出口亞梨沙、日比美思等等，突然有咁多索女拍攝性感寫真，作為男人真係幸福無比！不過大家係咪咁就滿足呢？對於男人嚟講，索女梗係愈多愈好啦，今次就介紹一位拍水着寫真冇幾耐嘅選美會佳麗畀大家，佢就係池岡星香。
池岡星香只係二十出頭，青春俏麗得嚟唔似得同齡女優咁懶可愛，反而女人味較為濃厚，亦算得上屬於姊系風格。池岡星香氣質熟熟地，胴體亦同樣成熟婀娜，身材曲線玲瓏，而且肌膚雪白滑溜，身高5呎7吋，同時擁有長腿及美巨乳，吸引力直逼國際級模特兒，難怪被寫真界稱之為超新星。
池岡星香索得咁交關，參與選美咪贏硬？上年星香憑住一副高挑好身材，參加選美活動「環球小姐日本愛知縣大賽」，雖然星香只係獲得亞軍，但係名氣急速上升，到今年初首次以三點式拍寫真，並成為漫畫雜誌《Big Comic Spirits》嘅封面女郎，成為一時話題之餘，仲正式宣告進軍寫真界。池岡星香除咗因參加環球小姐選美比賽而知名，為人熟悉嘅背景仲有佢係少年樂園「D BOY」成員池岡亮介嘅妹妹。參加選美之前，星香曾當天氣女郎，由於美貌迷人，口才又了得，所以亦有做演員及喺電台做主持，當然星香能夠身兼多職，亦係因為有好多專業資格支持啦，佢擁有嘅專業資格包括顏色協調員3級，仲有一個係殘障人士體育運動指導員3級，人話心善則美，星香原來咁有善心幫助殘障運動員仲考埋專業資格，唔怪得睇落特別有星味、特別省鏡啦！
簡介：池岡星香因為工作關係，經常要外出飲飲食食並從中攞料作為新聞報道嘅材料，所以大家Click上其Twitter，就可以睇到阿妹最近食過乜，如果將會去日本旅行，不妨參考一下跟住星香搵好嘢食喇！
網址：https://twitter.com/seikaikeoka
年齡：22歲
身高：5呎7吋
三圍：34-23-35
撰文：賢