中環出更：梁家傑楊岳橋訪美 唱衰香港
前立法會議員、公民黨主席梁家傑聯同該黨黨魁、立法會議員楊岳橋，即將出訪美國約一星期，期間將到華盛頓同埋紐約，與當地政府及國會議員會面。佢哋講到明，話希望美國將香港放番喺佢哋嘅雷達上面，唔擔心被批評為勾結外國勢力，事關此行唔係出賣香港，反而係「為香港講說話」喎。
梁家傑與楊岳橋將分別於本月五日及六日出發往美國，訪美期間將與美國助理國務卿董雲裳（Susan Thornton）、副助理國務卿石露蕊（Laura Stone）會面。當中梁家傑獲邀喺亞洲協會政策研究所、傳統基金會香港論壇上發言。梁家傑表示，屆時將提及近年香港嘅情況，包括國務院發表「一國兩制」白皮書、廣深港高鐵一地兩檢爭議等等。
梁獲基金會贊助部分旅費
除了講述香港現況之外，梁家傑及楊岳橋都話，此行亦會提及中美貿易戰，認為美國在貿易戰中將香港視同內地，令香港亦受到制裁，完全冇道理。被問到會否擔心被指係「唱衰香港」，楊岳橋就話，今次出訪係向外國投資者說明香港情況，並非邀請外國政府干預香港事務，唔認為係出賣或唱衰香港。今次楊岳橋係自費出席，不過梁家傑就獲傳統基金會贊助部分旅費。
卓妮