政情：似玩老虎機 職業生涯短 石丹理寄語電競青年謀後路

勿只着眼成功例子

其實石丹理並唔係反對青年人投身電競，只係指出唔少年輕人只着眼成功人士點樣靠電競賺大錢，而忽略背後其他失敗嘅例子，所以先強調要成功，就好似玩老虎機啫！至於投身電競會唔會影響家庭關係？佢就認為大家要認識正反兩面，如果將電競視為體育同技術，相信對家庭關係影響並唔大，不過凡係過分沉迷都有負面影響，包括好健康嘅打波都一樣喇！

佢又話如果年輕人想投身電競行業，一定要諗定將來路向，因為電競講求反應，職業生涯相當短暫，而且出路仲好窄添！不過，佢就話現時普遍社會對電競觀感仍然偏向負面，估計要隨住電競行業繼續發展先會有改善咁話喎。