和富大埔90+6入波激和陽光元朗

陽光元朗2:2和富大埔
和富大埔艾華度（綠衫）補時6分鐘入波，為球隊搶回1分。

和富大埔開賽僅5分鐘就由杜度頭槌開紀錄，元朗之後攻勢不斷，但劉家銘及劉浩霖施射都未能扳平，換邊後3分鐘元朗終有收穫，球證指大埔球員犯規判罰12碼，艾華頓一射中鵠。元朗形勢大好下卻迎來壞消息，余煒廉63分鐘侵犯伊高沙托尼領第二面黃牌被逐。然而10人應戰的元朗，反擊更有威脅，艾華頓81分鐘直搗黃龍入波反超前2比1。

曾昭達：我覺得可悲

賽事鬥至90分鐘，因電子告示版失靈，第4裁判蘇啟文未有舉牌示意補時，比賽一直持續至96分鐘，元朗門將陳嘉豪出迎時被杜度擊中面部倒地，艾華度混戰中頂入為和富大埔追成2比2，一眾元朗球員認為對方犯規，入球應判無效，群起投訴，誰知主裁判鄧慶富隨即鳴笛完場，引發現場球迷狂噓表示不滿。

陽光元朗球員不服判決，群起與球證理論。

陽光元朗陳衍光（右）力阻和富大埔伊高沙托尼。

賽後陽光元朗主教練曾昭達直言：「唔係用可惜嚟形容，我覺得係可悲！如果港足要進步好難囉，我相信佢係鍾意足球嘅，但希望佢明白咩係足球。我尊重判決，但如果大家都唔進步嘅話，好難令超聯進步！咁樣會浪費咗好多有心搞波、踢波嘅人。球員點努力、畀幾多資源，細微位都冇進步過！」至於會否上訴，「達Sir」指會先跟球會商量。

和富大埔主教練李志堅則認為，球隊今仗求勝心切，反而暴露空位給艾華頓憑反擊入球。「堅Sir」亦指球證可以處理得更好，某些情況處事不夠決斷，無法令比賽暢順進行，對於賽事中有球員就判決作出報復行為，問題根源在於球證未能控制場面。