政情：公民講場：外判工被壓榨 元兇係曾俊華

最近海麗邨外判清潔工發起工潮爭權益，立法會勞工界議員陸頌雄尋日喺答問大會炮轟政府要發生工潮先識去檢討待遇，係「如夢初醒」，令人失望，又鬧爆政府帶頭拖低工資，特首林鄭月娥回應時唔單止否認後知後覺，仲乘機暗批上屆財爺提出「0-1-1」方案削減部門開支，搞到部門資源緊絀，仲搶閘話新一份財政預算案會為各部門提供百分之三開支增長添！咁講，即係曾俊華（鬍鬚曾）係元兇，令外判工被壓榨喇！