這幾年，香港社會難得安寧靜好，究其因就係一眾大混混、小嘍囉言不及義，廢話太多。呢，「有牌」的政府部門及「無牌」的非政府組織，便經常無故發出噪音，說是「有讀者投訴」就無情情踩上東方「假調查、真騷擾」或發牙痕指三道四。人不能不說話，不過，廢話可以少說一點。
話說東方早前受到一個叫乜鬼「香港報業評議會」嘅質疑，話收到「讀者投訴」指本報三篇報道「處理手法有問題」，呢個乜鬼報評會又唔做功課，仲以為執到寶可以「月旦」吓本報向來專業專心專誠嘅採訪和編輯方針，其所謂「投訴」完全無的放矢。話口未完，又有個叫乜冬冬「香港記者協會」嘅，忽然挖出陳年往事，向東方發信，指今年五月收到中大學生會幹事會投訴，話東網記者進入中大學生宿舍採訪涉侵私隱，記協好似鬼上身自問自答，聲稱「作出評議報告，認為投訴不成立」。
阿哥，唔該慳啲啦！學生少不更事，做錯咗仲惡人先告狀，而所謂嘅「香港記協」又陪佢癲，好查唔查，好似其2017年言論自由年報中，隻字不提壹傳媒黎智英涉刑恐東方記者，直至有社會人士不滿圍攻記協，佢先建議記者自行報警備案，始終不肯公開譴責黎智英。咁嘅一個乜冬冬協會，試問有乜公信力？《周易》說：君子敬以直內，義以方外，敬義立而德不孤。記協處事偏頗，沒有恭敬持重之心，無德乏義，有何資格對東方指指點點！
前輩說，監獄裏的重犯常被獨囚一室，使之無說話機會，是一種懲罰。畜牲沒有語言文字，但是也會發出不同的鳴聲表示不同的情意。人而不讓他說話，到了寂寞難堪的時候，就會想自言自語，甚至說廢話也是好的。那個乜鬼「報評會」和乜冬冬「記協」，全是這等無聊怪；果真寂寞無聊，好心反省吓乜嘢叫「慎言」！