政情：林黃寧艷 鄧宣宏雁星洲歎榴槤賀聖誕
愛沙尼亞共和國駐港名譽領事林建康嘅太太林黃寧艷（Lianne），最近同老公、兩個仔返娘家新加坡過聖誕，同行仲有好姐妹保良局總理鄧宣宏雁（Emily）同老公鄧鉅明。Lianne喺社交網站放咗好多開心靚相，其中一張相見到保安局局長李家超夫婦都喺度，眾人戴住膠手套食榴槤賀聖誕，真係夠晒特別。
Lianne話幾姐妹年年都會由英國、香港等地返星洲陪媽媽過聖誕、倒數迎新年。佢自爆同Emily已上咗契，佢係家姐，Emily係契妹，所以呢兩年Emily一家人都一齊返星洲過聖誕。
帶李家超夫婦周圍玩
咁啱遇到李家超夫婦去新加坡玩，所以充當導遊帶大家周圍行吓、食吓嘢。
睇真啲張相，唯獨Emily夫婦拎住山竹。Emily笑稱因為佢同老公唔識食榴槤，所以食山竹。今次佢已唔覺得榴槤臭，可能下年再嚟就可學食榴槤喇！