政情：捐器官意願 徐德義起初怕啟齒

中國人觀念好傳統，年紀較大嘅人都未必支持器官捐贈。食物及衞生局署理局長徐德義尋日出席一個推廣器官捐贈嘅活動時話，自己做醫生初期已經填咗器官捐贈卡，電子化後又登記多次，初時都怕家人會反對佢捐贈器官，因為佢哋觀念較傳統，覺得「器官係自己嘅，點會攞走呢」，所以佢都拖咗一段時間，睇準時機，喺家人較易接受時，先敢同家人「正式宣布」自己希望捐贈器官嘅意願，好彩家人都冇乜異議。