政情：卸責提早走人 袁國強續封嘴
佔領行動爆發至今已有三年零三個月，但壹傳媒黎智英等大部分佔中搞手，到依家都未被起訴。另一宗同樣涉及黎智英嘅刑恐《東方日報》記者案，亦係事隔半年律政司都未檢控，律政司司長袁國強絕對難辭其咎。不過，消息指佢做到下個禮拜尾就會提早離任走人，非常不負責任。
只識同記者講早晨
袁國強尋日與保安局局長李家超，一同上京列席全國人大常委會會議。無論喺上機前同落機後，都有記者追問佢係咪已經辭職？係咪喺人大常委會通過一地兩檢安排後就會離任？以及資深大律師鄭若驊是否合適嘅律政司司長繼任人選等？袁國強就繼續封嘴拒絕回應事件，淨係識同記者講咗兩句「早晨」。