港府尋日公布最新嘅長遠房屋策略建屋數據，維持要喺未來十年興建四十六萬個公私營住宅單位嘅目標，但喺公營房屋方面，新增土地只夠起多一千個單位，仲爭四點三萬個單位嘅土地先至達標。按照咁嘅速度，隨時要搵多四十三年先夠地起樓，到時現任運輸及房屋局局長陳帆同發展局局長黃偉綸已經唔知身在何方，仲講乜鬼嘢十年建屋目標呢？
