職場健康：公司制訂對策 預防工作間暴力

小美：「聽隔籬舖嘅強哥講，尋日佢哋遇到個麻煩的客人，因為排隊問題激動到差啲打架。唉，我哋成日對住唔同嘅客人，萬一遇上暴力的事件，咁點算好呢？」

定期檢視工作環境安全

大成：「放心啦，美美，我哋公司已經成立工作小組，針對暴力行為制訂政策、定下整體的大方向及設計預防暴力的策略。你睇吓，份政策聲明仲張貼喺門口當眼處。另外，公司同事，只要是有機會碰上工作間暴力事件，都有受過相關訓練，知道預防及應付工作間暴力所需的知識、策略和技巧。我自己對於處理憤怒嘅方法同埋化解衝突嘅技巧可以話瞭如指掌。」

小美：「你都講得有道理，我哋公司仲會定期檢視工作環境的安全程度，找出可以改善嘅空間，同埋評估員工處理危機及應付暴力事故嘅能力，仲有完善嘅事件通報機制，萬一發生暴力事件，都有相關部門同事處理及跟進。」

大成：「最重要是，公司成立事件應變隊伍，我係隊伍成員，熟悉所有在暴力事件發生時應變方法同步驟，有我喺到保護你，使咩驚？所以美美你可以放心將你嘅安全交託畀我。」

小美：「如果強哥喺度，我就可以將我嘅一生交託畀佢。成哥，你喺度睇舖先，我過去關心吓強哥。」

大成：「吓？」

職業安全健康局

www.oshc.org.hk