旺角迎理文傑志OnFire

港超聯今晚上演獨腳戲,傑志8時於旺角大球場主場迎戰理文。「藍鳥」開季氣勢如虹,至今保持不敗之餘,近兩仗更合共射入9球,以大比數擊敗對手,面對着近兩場盃賽皆北的理文,誓要全取3分,鞏固榜首位置!

(東網on.cc周五晚8時直播)

開季至今在聯賽及盃賽均保持不敗的傑志,早前於高級組銀牌賽以5比0大勝標準流浪,上周又憑着艾力士梅開二度,加上辛祖及18歲小將史譚的入球,於菁英盃分組賽以4比0大炒香港飛馬,連續兩場大勝證明球隊火力全開上晒力。

馮嘉奇:運動心理學提升士氣

對於「藍鳥」上仗取得大勝,主教練朱志光認為與飛馬中堅羅斯完半場前傷出有較大關係:「每場比賽都視乎臨場發揮,上場對手有中堅受傷,直接影響咗佢哋臨場嘅穩定性。雖然金東進同保連奴已經傷愈,不過始終上半季人腳選擇較多,喺選人方面會視乎唔同情況先再作決定。」「朱Sir」又表示,希望球隊在下半季應付亞洲賽事前,輪換制度能夠步上軌道:「球隊近4至5場處理輪換方面做得唔錯,好多球員都表現出唔錯嘅比賽狀態。」

仍有兩輪賽事因颱風延期尚未舉行的理文,目前在聯賽僅踢了3場,暫時僅以1勝1和1負戰績得4分,於聯賽榜排第7位。球隊最近兩場盃賽均告輸波收場,先於高級銀牌賽不敵冠忠南區8強出局,上周則在菁英盃分組賽以1比2敗於夢想FC腳下,領隊馮嘉奇勉勵球員忘記過去:「上場菁英盃有兩位年輕球員首次落場,相比起對手嘅年輕球員恒常上陣,點都有啲影響,而且球隊上半場亦唔夠集中。不過,喺運動心理學嚟講,球員唔可以因為過去或者未來發生嘅事,影響自己依家呢一刻比賽嘅心情,我會將呢啲訊息灌輸畀佢哋。嚟緊對傑志,就只會諗對傑志,之後作客對富力會係場硬仗,但係我哋依家唔會走去諗。」

本周賽程

11月3日(五)中銀人壽香港超級聯賽

傑志 Vs 理文

旺角大球場 晚上8時 $120、$40(特惠票)

11月4日(六)

中銀人壽香港超級聯賽

冠忠南區 Vs 和富大埔

香港仔運動場 下午2時30分

$80、$30(特惠票)

香港飛馬 Vs 標準流浪

香港大球場 下午5時30分

$80、$30(特惠票)

11月5日(日)

中銀人壽香港超級聯賽

R&F富力 Vs 夢想FC

廣州燕子崗體育場 下午2時30分

$50

陽光元朗 Vs 東方龍獅

元朗大球場 下午5時30分

$60、$20(特惠票)