政情：公民講場：濫用制度探監泛民議員捱轟

喺「雙學三子」同反新界東北案等十六人被判入獄後，包括邵家臻同朱凱廸在內嘅民主派議員濫用「公務探訪」制度探監，保安局尋日證實議員近日到個別懲教院所進行公務探訪嘅頻密程度同探訪時數都有顯著增加，難免會影響在囚人士羈押期間工作同參與更生活動。其實，就連學聯前副秘書長岑敖暉都用議員助理身份頻頻去監獄探女朋友，淨係招呼佢哋都嘥唔少人手，難怪被外界炮轟製造唔公平同浪費人力。