立法會即將復會，財務委員會主席陳健波早已預告計劃修改財委會會議程序，以防止民主派拉布。佢尋日又再喺電台節目度講拉布嘅禍害，話拉布拖延撥款影響民生，並唔認同拉布就等於監察政府施政。佢又話拉布原本係「核彈」，應該喺有重大事件時先用，但依家已經變成「臭彈」，令市民十分厭惡。不過喺新一個立法年度，過往嘅拉布常客社民連梁國雄已經被取消議員資格，剩番人民力量議員陳志全等。唔知「臭彈」攻勢會唔會減弱呢？
