政情：公民講場：漢奸黎擦鞋兼送上門 早向美國跪低

外號「李漢奸」嘅民主黨創黨主席李柱銘，尋日喺一個有關香港回歸廿周年嘅研討會上提到，中央若以管理澳門嘅方式管治香港，壹傳媒黎智英（漢奸黎）都跪埋落地下，反問咁係咪代表一國兩制成功？話時話，香港回歸以嚟，漢奸黎不停被人質疑引入外國勢力搞亂香港，好似美國新任總統特朗普出名漠視人權自由法治，又唔尊重女性同歧視新移民，喺國內外受到唔少衞道之士批評，但漢奸黎唔單止多次喺旗下報刊大擦特朗普鞋，早前仲送上門，高調到訪多個美國「紅色」州份，同特朗普嘅支持者會面，大讚對方嘅政策，可見佢早就向特朗普跪低咗喇！同時亦反映佢對美國政府好有所求添！