政情：公民講場：夾埋「盟友」齊播獨 羅冠聰水洗唔清

立法會議員陳志全、羅冠聰同朱凱廸等人，早前聯同香港眾志黃之鋒赴台散播港獨，並且出席台獨組織搞嘅「台港連線」成立，佢哋返港就死撐自己話係以嘉賓身份私下出席活動，仲話就算佢哋幾時去都會被批評。不過，建制派議員黃國健尋日就引述台灣嘅報道，踢爆佢哋喺會上曾承認台灣係香港嘅盟友，就算建制派訪問台灣都唔會咁樣形容雙方關係。咪以為大話講一百句就變成真話，睇怕佢哋水洗都唔清喇！