我有正能量：助人助己 喪偶義工變開心果
俗語謂助人助己，義工何太的故事正好說明這四個字的道理。六十多歲的何太，照顧患病多年的丈夫，連自己身心健康都轉差。成為義工後，她的人生出現一百八十度轉變，由沉默寡言變成團隊中的開心果，身體健康狀況亦有好轉。
「退休三年，病足三年。醫生都話我，再咁落去，我會有抑鬱。」何太的丈夫患上老人癡呆，為照顧他的起居飲食，早已失去自己的生活，身體亦轉差。十多年來盡心盡力照顧丈夫，直至數年前他百年歸老。丈夫去世後，何太頓失人生方向，人變得內斂，心事藏心內。
樂與老人家聊天
「派菜畀啲婆婆好開心，同佢哋傾吓偈，攬吓佢哋，可以黐到佢哋嘅幸福感。」何太因一次八卦，於住宅的大堂看見義工們派食物，被當中的魔鬼魚吸引，搭訕兩句便被招攬成為義工。成為義工近兩年，人變得開朗，更是團隊中的開心果，亦是團隊中堅分子。「保持開心嘅心，就可以長命百歲，唔使睇醫生，依家連病痛都冇埋。」何太現時每星期都會幫手收集剩食，派食物予老人家，助人助己。