邵家臻斥唔尊重
相關委員會主席邵家臻解畫話，自二月起，曾經邀請多個政府部門出席會議，討論露宿者嘅支援以及單身人士房屋福利政策。
原本佢哋邀請社會福利署、警務處、民政事務局、康文署及房屋署等負責官員出席，但係只得社會福利署有派員出席，其他部門都闊佬懶理。後來警務處亦有派員出席。
邵家臻話，後來透過李慧琼聯絡及經多番交涉後，其他部門先至派人嚟，至今只剩下康文署仍然冇影。康文署就解釋話，佢哋只係按指示辦事，負責清理場地而非作支援，故不出席會議作回應。邵家臻批評，據佢了解，以往未有同類型事件發生，政府部門拒絕出席會議係唔尊重立法會咁話。