中環出更：林榮基改口 赴台開銅鑼灣書店
前銅鑼灣書店店長林榮基早前話唔會再開書店，又指無計劃移民台灣。不過，佢最近就向外國媒體透露，將會喺台灣重開銅鑼灣書店，資金由香港民主派團體資助，而佢會擔任新書店嘅顧問，仲話新書店係抵抗嘅象徵，最快可以喺今年下半年開幕，真係「唔嫁又嫁」，一時一樣。
稱助香港種下獨立思想種子
近年林榮基多次去台灣參加研討會同講座，雖然佢多次否認移民台灣或到台灣尋求政治庇護，但佢接受日本傳媒訪問時指，銅鑼灣書店有九成機會在台灣重新開張，而佢只會擔任新書店嘅顧問，唔會參與日常營運，強調新書店係抵抗嘅象徵。佢透露，新書店資金由匿名嘅香港民主派團體資助，指「台灣可以幫助香港種下新思想的種子，無論是哲學、管理或獨立」，佢更強調獨立除咗指政治上，都包括精神上。
林榮基近期動作多多，早幾日更聯同外號「李漢奸」嘅民主黨創黨主席李柱銘、香港眾志秘書長黃之鋒去美國，出席當地國會聽證會作證，一齊合奏「唱衰香港」。
卓妮