探射燈：香爐利是屢被盜 可用銅幣取代
不少市民於門外土地香爐位，放置一封有錢幣的利是，堪輿學家指這是用作象徵財富和幸運，但如錢幣屢次被偷，以價值不高的銅幣代替亦未嘗不可。而賊人向利是「埋手」，或多或少會影響自身運勢，奉勸賊人收手。
偷供奉品 損自身運勢
「喺天官同土地位嘅香爐，多數都會放封利是或幾個硬幣，用作請個地主返屋企守財，令到屋企多啲財運，被盜利是，可改用五帝錢或其他價值不高嘅銅幣，效果亦大同小異。」此外，堪輿學家麥玲玲指賊人偷利是錢，損人也不利己，「任何菩薩、神位或先人位嘅供奉品同利是，本身係用嚟幫嗰家人化煞擋災，個賊偷咗去，點都會影響自身運勢，最好唔好咁做啦。」
