聯署聲明提多項要求
聲明中提出多個條件，包括承諾促成中央收回「一國兩制」白皮書、喺「八三一」以外框架重啟政改，並且唔會強行禠奪民選議員嘅議席等。民主黨(白鴿黨)涂謹申明言冀望林鄭可以修補社會撕裂。與此同時，專業議政七個立法會議員亦都去信約見林鄭，希望就各項公共政策交換意見。
比起上次特首選舉，民主派一開始已經旗幟鮮明反對特首梁振英，態度明顯放軟。
對於傳統泛民對林鄭「留手」，激進自決派似乎唔多支持，香港眾志羅冠聰、劉小麗、朱凱廸及社民連梁國雄等都無參與聯署。有民主派中人估計自決派唔參與係因為其「反林鄭」立場。講到尾，今屆議會民主派明顯唔同以前咁團結，究竟會唔會走向分裂，大家拭目以待。