中環出更：李漢奸孖張敏儀密會漢奸黎
民主黨（白鴿黨）前日開記者會高調撐特首選舉建制派候選人曾俊華（鬍鬚曾）後，老鴿單仲偕同李永達就被揭發，即時去咗多次秘密捐款畀白鴿黨嘅壹傳媒黎智英（漢奸黎）位於何文田嘅寓所，疑似要向「金主」匯報。該黨創黨主席李柱銘（李漢奸）亦再次現身漢奸黎屋企，同前廣播處長張敏儀等人密會漢奸黎三粒鐘。距離特首選舉仲有四日，唔通佢哋又想諗計從中作梗？
逗留約三小時後離去
上周五連白鴿黨黨慶都唔去，亦要去漢奸黎屋企嘅李漢奸近日頻頻去密會漢奸黎，尋晚佢就再次現身黎宅。尋晚六時許，李漢奸就同太太兩個人自己揸車去咗漢奸黎屋企。隔咗冇幾耐，張敏儀亦都乘搭一架私家車到達，而漢奸黎司機之後再接載兩名人士抵達。一行五人喺漢奸黎屋企逗留至晚上九時三十分，漢奸黎就送佢哋出門口，仲喺門口再傾咗一陣，李漢奸夫婦就載埋張敏儀，駕車離開。
漢奸黎較早前為撐鬍鬚曾，不惜大鬧另一獲泛民畀票入閘嘅特首選舉候選人胡國興，李漢奸等老鴿就唔理三七二十一「和應」，該黨七名立法會議員更明言將會全部投票畀鬍鬚曾。李漢奸依家唔夠一星期去漢奸黎屋企三次，真係話佢哋唔係攪局都冇人信喇！
卓妮