樓市「辣招」持續，但樓價仍然屢創新高，上任財政司司長快將兩個月嘅陳茂波（波叔），似乎都冇乜嘢新招應對，佢尋日出席活動時惟有繼續出口術，提到有報道指有個別私人市場單位呎價同售價都創新高，但呢啲單位可能係連天台、裝修靚先賣到咁貴，叫大家唔好畀啲報道一兩句嚇窒咗喎。話說回來，市民對於「上車」置業難有一定嘅認知，真正畀嚇窒嘅可能來自高官嘅「堅離地」言論。
