政情：今日你上鏡：「我是飛魚」 歐鎧淳重申賣點

港產女飛魚歐鎧淳於去年里約奧運於開幕式擔任港隊持旗手，被盛讚為該屆奧運最美持旗手而人氣急升，話雖如此，歐鎧淳於尋日三八國際婦女節提起此事，都別有一番感受，佢自言大部分市民認識自己，同曾經擔任奧運持旗手有關，反而甚少留意其對游泳運動嘅投入和專注，就此，佢希望社會更留意其練水嘅努力，多於討論外表，而社會亦可以更重視女性付出嘅努力。