因為一場特首選舉，令政務司司長張建宗（小肥張）及財政司司長陳茂波（波叔）雙雙升官，雖然任期只到六月底止，不過兩人似乎做得幾過癮。波叔仲好「入戲」，即刻郁手裝修官邸準備搬入，就算住幾個月都好。小肥張就冇咁恨出面，尋日仲話暫未有裝修打算，亦冇搬入官邸時間表。咁又係，小肥張出晒名係問責官員中嘅「樓王」，大把樓，唔憂住，何況未知七月一日之後仲有冇得做政務司司長，何必咁猴急呢？
