中環出更：嚴寒難撲怒火 示威者轟漢奸黎禍港
尋日天文台錄得最低氣溫只有大約攝氏十度，係今年以來錄得嘅最低紀錄，但寒冷嘅天氣仍無阻反壹傳媒黎智英（漢奸黎）嘅示威行動。兩名聲稱自發前來嘅男女，因不滿漢奸黎禍港殃民及反中亂港，昨日帶同橫額到漢奸黎位於何文田嘅寓所附近示威。
展示印有黎樣貌紙牌
尋日下午大約二時，兩名男女抵達漢奸黎寓所附近，展示印有漢奸黎樣貌，以及「反中亂港肥佬黎」、「毒媒橫行 禍港殃民」、「佔中黑手 千古罪人」等字句嘅紙牌及橫額示威。
近期針對漢奸黎嘅示威行動不絕，自去年六月十日起計，連同尋日去到漢奸黎寓所附近及將軍澳壹傳媒大樓外示威嘅行動最少多達一百六十二次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百四十九次。
卓妮