政情：今日你上鏡：獲贈「屢創新高」張華峯好受落

臨近農曆新年，好多政界人士紛紛落區「擺檔」，為街坊寫揮春，然而立法會教育界議員葉建源（右）尋日下晝就喺立法會「擺檔」，咁啱金融服務界議員張華峯（肥老闆）（左）經過，葉建源就向佢贈送墨寶「屢創新高」。吓，眾所周知，肥老闆幾咁有分量，新年流流，唔通葉建源希望肥老闆嘅體重「屢創新高」？咁大整蠱？大家唔好誤會，查實係講股市啫！葉建源祝願肥老闆喺股市「屢創新高」至真。肥老闆當然好受落喇，喺接過揮春後仲讚葉建源嘅墨寶添，而葉建源就話希望肥老闆能夠將福氣帶畀香港。