政情：公民講場：開發郊野公園 林超英話要「秤」

施政報告話應將更多高生態價值嘅土地納為郊野公園，同時要思考利用小量生態價值唔高嘅土地起公屋同老人院等非地產用途。曾鬧爆攞郊野公園起樓係「思想癌細胞」嘅天文台前台長林超英，今次竟大讚報告嘅思路有進步，破天荒為開發公園開出兩個條件，一係要先用盡棕土；二係要承諾郊野公園土地總面積不減，即係每次用公園土地起公屋都要以同等甚至更多嘅土地作補償先有得傾，即係只加不減喇！