中環出更：示威者遊行 怒斥「媒界恥辱」漢奸黎
聲討壹傳媒黎智英（漢奸黎）嘅行動喺頒下禁制令後持續，二十名聲稱自發人士尋日拉起橫額步行到漢奸黎位於何文田嘅寓所附近示威，期間曾高叫口號，斥漢奸黎係顛覆國家嘅禍首，禍港害民。
高叫口號做抗議姿勢
該等示威者喺尋日下晝三時半手持寫有「黎智英係顛覆國家嘅禍首」橫額，步行到漢奸黎寓所附近表達不滿，眾人又展示寫有「黑媒禍港 罪延下代」及「媒界恥辱 禍港害民」等橫額，之後又將橫額放喺地上，做出抗議嘅姿勢。示威者逗留十幾分鐘後和平散去，期間曾高叫口號。
近期針對漢奸黎嘅示威行動不絕，自舊年六月十日起計，至今已踏入二百二十二日，連同尋日嘅示威行動在內，到漢奸黎寓所及將軍澳壹傳媒大樓外示威嘅行動最少達一百二十六次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百一十三次。
卓妮