中環出更：「智」愛工作 太太爆結婚蝦碌事

當日去沾喜氣嘅政商名人多到數唔晒，包括律師劉守良同太太劉黃寧達（Leta）、愛沙尼亞共和國駐港名譽領事林建康同太太林黃寧艷（Lianne）。Leta同Lianne兩姊妹平時各有各忙，不過今日除夕就會齊齊返新加坡陪媽媽倒數迎新年。Lianne笑笑口話，定居喺英國嘅大家姐都會返，三姐妹已經好多年冇一齊同媽媽倒數，所以特別高興。

劉黃寧達做廿四孝囡囡

Leta就話，倒數完之後佢會陪囡囡返英國開學，到時媽媽亦會一齊去，真係孝順女。講起返新加坡，原來唔係話返就返，Lianne話，由於當地天氣熱，佢間屋閂晒窗冇人住，所以通常要提早派家傭過去打掃，開窗通吓風，最緊要係開定冷氣，如果唔係就會好翳焗喇！

講番婚宴，新老爺鄧鉅明同太太鄧宣宏雁滿場飛招呼賓客，仲忙過一對新人。鍾意講笑嘅鄧鉅明笑稱呢日要正經啲，感謝太太費心幫手籌備喜宴，仲叮嚀一對新人要學佢唔怕醜，經常將「我愛你」掛喺嘴邊，逗得台下賓客開懷大笑。

鄧亦棋（後右）及李旭白（後左）結婚，鄧鉅明（前左）及鄧宣宏雁（前右）笑逐顏開。

劉黃寧達（左）及林黃寧艷（右）除夕齊返娘家倒數。（余素月攝）

卓妮