政情：建築界梁粉 多位拒表態

鄔滿海稱未有心水

呢張名單有四分之一成員上屆曾經提名CY，除咗票王鄔滿海之外，仲有房屋署前助理署長黃比、城市大學建築科技學部高級講師潘永祥、海濱事務委員會主席蒲祿祺及測量師學會前會長賴旭輝等。被問到會否支持CY連任時，多位梁粉均指要待其他候選人正式參選，與對方就房屋政策等政綱交流後，先會決定支持邊個。鄔滿海都話，未有既定心水，亦唔一定投票畀CY喎！

該名單召集人嘅劉振江就話，名單成員不會綑綁投票，但大家都有共同信念，就係要求新特首要令香港成為「包容」、「宜居」城市，咁講即係暗批CY包容不足喇！