南亞兵團惡行擾民《東方》報道反映真相
【本報訊】路見不平替清潔女工出頭的伍先生，慘被南亞惡霸打傷右前臂，惟他不悔義舉換來傷勢，直言因長期目擊南亞惡霸欺凌區內婦女及長者，甚至用酒淋向他們及在梯間作猥褻行為，擾民行為實在令人「忍無可忍」。他坦言：「依家佢哋喺度攞緊納稅人嘅資源，逐步逐步咁搞緊我哋本地市民，去到今時今日去蝦阿婆，真係天怒人怨！」他又指因為睇《東方日報》，才知南亞兵團惡行及假難民問題。
同鄉盼安居 無辜受累
現年五十歲的伍先生，讀完大學後從事運輸業，與家人居於深水埗多年。他坦言：「我唔係種族主義者，南亞人唔係個個都衰，落地生根、有晒家庭嗰啲冇嘢㗎，咁啱今次呢個特別衰啫。」他稱：「好多南亞朋友唔會無端端騷擾你，但如果有百分之一、二搞事都夠晒你煩啦。」伍又指：「近期睇啲人數、犯罪數字、使咗幾多錢，先知原來問題咁嚴重！今次呢件事，完全係反映到南亞人罪行已經影響到民生。」
勇漢籲泛民檢討立場
他呼籲立法會議員要不分黨派，並聯絡在港的南亞團體組織共同應對事件，若南亞人士都出來發聲，就能凸顯事件嚴重性。對於泛民主派立法會議員否決檢討酷刑免遣返機制，伍批評：「佢哋係九重天高高在上、中產以上嘅人，邊會入深水埗吖，如果換轉佢哋親戚畀人蝦，佢哋會唔會咁樣？希望佢哋貼地啲，為民生，幫手解決問題。」伍又直言：「都係要搵番有公信力嘅傳媒，好似《東方》咁，由下而上反映先有用！」