政情：重複犯錯 阿忠帶團咪兜影相
立法會議員梁美芬早前帶領市民參觀立法會期間，有「團友」喺會議廳外供訪問用嘅咪兜位拍照留念，違反有關規定。事隔近五個月，同樣的事情又再發生，重複犯錯，今次係街工嘅議員梁耀忠（阿忠）。
冇睇實任由拍照
阿忠尋日下晝喺立法會大會結束後帶一批市民參觀立法會，佢帶部分人途經立法會大樓一樓會議廳離開期間，多名女團友自行喺會議廳外停留，並喺會議廳外嘅咪兜位拍照，視有關規定及咪兜前的告示牌如無物，但當時阿忠並唔在場。
根據立法會秘書處有關使用立法會綜合大樓採訪位置嘅通告，列明只供議員、政府官員等人接受傳媒訪問，而其他人士不得使用採訪位置作任何用途，包括與議員合照或陪同議員舉行新聞簡報會或接受訪問。