政情：公民講場：民航處新空管死機 照搵人命較飛？

民航處副處長蔡傑銘尋日為新空管系統上周「死機」解畫，死撐呢次係特殊例子，聲稱新系統短暫失靈期間直接轉回現有系統，並非後備系統同樣有問題或處方對後備系統冇信心，而係按既定程序所作嘅安排，該處更堅持喺本月內全面啟用新系統。民航處咁講啫，但本身係飛機師嘅立法會議員譚文豪就再踢爆該處喺處理事故後，曾嘗試啟用後備系統處理故障時嘅場景數據，但後備系統同時有問題，結果要啟動終極後備系統，仲話現階段對新系統冇信心，促請民航處確保新系統安全後先全面啟用。咁搞法，民航處係咪想搵人命較飛呀？