中環出更：「細」心護愛犬 齊食保健品

Abbie話，佢隻狗仔係銀狐，已經十二歲，由BB狗時已開始食鯊魚丸，結果最明顯就係毛好多好靚，就算落雨都濕唔到入面。隻狗同主人食嘅鯊魚丸一樣，暫未有寵物專用配方，所以好多朋友都叫佢快啲推出寵物系列保健品喎！

連舜香「開心自然靚」

同場仲有日本命力全球代理商康盟執董張玉儀同連舜香（Ophelia），卓妮見Ophelia成晚滿場飛，笑聲不斷，勁有活力，唔知佢有咩養生秘訣？Ophelia笑笑口話，做人最緊要開心，多啲出嚟見朋友，加埋食得健康同勤做運動，自然就靚靚喇！佢仲話，為咗令員工開心，佢哋公司六點準時放工，唔使加班，真係羨煞一眾打工仔。張玉儀就話，多啲參與社會公益活動，人都開心啲。

代理同仁堂中成藥嘅泉昌董事副總經理黃楚恒都有到場，佢慨嘆話，香港人飲食好唔均衡，中午經常食多肉少菜嘅快餐，晚飯又遲開飯，好唔健康。佢又自爆無乜時間做運動，惟有追住湊幾名仔女當運動喇！

卓妮

陳細潔展示手機屏幕上愛犬嘅可愛模樣。（陳嘉順攝）

黃楚恒（右）及屈臣氏高層陳美婷（左）都話健康自然就會美麗。