政情：屋企外爆水渠 曾智明寧靠自己

批政府部門冇協調

Ricky舉例話，試過屋企門口爆水渠，打電話去渠務處，處方就話唔關佢事，打電話去路政處，又話唔關佢事，結果要整番條水喉，要三個星期時間先搵到人維修，如果佢自己做嘅話，搵人承包，三日就搞掂咗啦！

佢話，好多公共設施，以前落個柯打就有人處理，依家民生問題，呢個部門話自己冇錯，嗰個部門又話自己冇錯，好多市民對政府施政或特首嘅不滿，係歷史留下嘅問題，政府喺結構體制上，應該要思考搵邊啲人負責去解決不同問題，而唔係各政府部門推來推去囉。