探射燈：公屋短缺租金飆 基層焗住
「天台屋因位置不便或環境差劣，每月租金一般二至三千元，較劏房最少嘅五千元，便宜好多，所以大受低下階層歡迎。」香港社區組織協會社區組織幹事施麗珊指出，「同一租金水平，劏房可能只得十幾平方呎，但係天台屋至少都有一、二百平方呎，抵租好多。」
「樓價愈升愈高，居住空間愈嚟愈細，連租價合理少少嘅單位已經買少見少。」她認為，私人樓宇市場炒風過盛，加上公營房屋供應不足，導致劏房及天台屋等違法住屋至今仍然「有價有市」，「連住都住唔起，租客根本都冇得揀，連呢啲環境咁差嘅地方，都要被迫考慮。」
必需品變奢侈品 市民受苦
施又指，以往公營房屋供應充足情況下，市民即使無力置業，亦可輪候公屋等「上車」，但現時公營房屋供應短缺，令輪候公屋時間大增，促當局盡快加推公營房屋，「必需品變奢侈品，如果政府唔加建公屋，受苦嘅只係市民，亦會繼續為劏房及天台屋提供存在誘因。」