政情：公民講場：爆完炸又捉「蛇」 鄧偉江管理不善

政府統計處上月底展開全港中期人口統計，有統計員攜帶俗稱「尿袋」嘅外置充電器竟然發生爆炸，搞到要回收五千部尿袋，以免「流動炸彈」周街走。可能處長鄧偉江以為執番晒啲尿袋之後就安枕無憂，點知有疑似統計員竟然在社交媒體自爆自行延遲兩小時上班，仲要約埋一齊食飯，自製「延長」午飯時間，結果被網民鬧爆「蛇王」還要在網上「晒命」。尿袋爆炸已經係罔顧公眾安全，依家仲爆出「蛇王」事件，反映處方管理不善，唔該鄧偉江速速去捉蛇，咪嘥晒納稅人金錢！