政情：撞傷肋骨 鄭承峰缺席活動

負責籌備活動嘅同事透露，大約一個星期之前，有日鄭承峰於街上正準備上車之際，其尾隨車輛懷疑收掣不及，撞向鄭承峰上緊嗰部車嘅車尾，當其時上緊車嘅鄭承峰亦因此撞咗埋去車門度，令肋骨受傷，真係諗起都痛。所以剛過去一個星期內嘅其他活動，佢都出席唔到，但好在仁濟成班董事局成員個個都上下一心，義不容辭幫手，令一連串活動可以順利如期舉行。