政情：公民講場：彈美食車擺位 張宇人想佢揀

美食車先導計劃收到近二百份申請，但美食車嘅擺位就一直被批評。商務及經濟發展局局長蘇錦樑（Greg蘇）尋日喺立法會上又再提起美食車，即時辣着飲食界議員張宇人（Tommy）。Tommy聲言要公開提提Greg蘇，擔心美食車嘅擺位就算喺旅遊景點，市民都睇唔到架車，認為幫唔到零售及旅遊業，仲形容啲擺位「擺得好曳」。之後佢仲話：「最好你就畀張宇人去揀，因為我就知邊啲位擺美食車可以吸引到遊客嚟。」其實Greg蘇不妨考慮畀Tommy揀位，如果揀完都係對各方面無幫助，咁就無得賴啦！