三年之前仍然有嚴重財赤嘅市區重建局，尋日就透露過去一個年度有四十五億元盈餘，比起前一個財政年度十一億元多出三倍。主席蘇慶和早前就講過，市建局都係發展商，要多啲錢喺身，睇嚟佢已經成功交功課。不過，有人就覺得，市建局作為由市民打本嘅公營機構，為賺錢起埋啲蚊型貴價豪宅，太過唯利是圖，無視社會責任囉，既然市建局已經有盈餘，係咪應該諗吓點樣回饋市民呢？
