寫真模特兒為咗吸引大家嘅眼球，以性感示人盡騷身材，不過要做到唔會予人暴露同低俗嘅感覺，卻唔係每個Model都可以做得到。如果要問邊個能做到嘅話，青春美人兒麥蘋果（Waiting Mak） 正係其中一位。
呢位喺北京出生，今年21歲，英文名Waiting嘅寫真模特兒，咪睇佢年紀輕輕就以為初入行冇耐，查實佢喺2014年已經投身寫真界，如果計埋私拍經驗，就更早出道添，經驗豐富嘅佢，面對鏡頭擺甫士可謂駕輕就熟。事實上，佢唔單止樣貌迷人，魔鬼級嘅身材更令人一見難忘。不過令佢喺寫真界火速冒起嘅原因，並非僅得出眾嘅外在條件，仲有佢大膽嘅演繹，露出度相當高，更有唔少「峰」芒畢露嘅超養眼場面，卻又唔會令人覺得好暴露，反而予人動人心弦嘅感覺。
憑住獨特嘅氣質，佢被廣告商睇中，拍攝唔少平面廣告，包括時裝、內衣、泳衣及化妝品等，佢又以Show Girl身份亮相各種商業活動。如果大家有留意嘅話，發現佢嘅演出總係會同性感扯上關係，好似一輯泳衣廣告中，佢將本嚟剪裁簡單嘅一件頭泳衣，變成超性感嘅爆乳水着，十分養眼。
大家咪睇佢嘅身材如此火辣，就好羨慕佢，其實佢花過唔少時間同努力保持呢副美好身段。好似上年底因為寒冬關係，有一段時間冇節食又冇做運動，結果肥咗好多。為咗提起減肥動力，佢將體重數字放上微博，等大家知道佢有幾肥，然後集眾粉絲嘅力量，促使佢堅持減肥，最後佢瘦身成功，回復前凸後趷嘅身材，更喺早前推出嘅寫真盡露迷人巨乳及纖腰，如此索爆身材，難怪佢曾經喺微博自誇：「我比其他網紅美！」
雖然佢喺模特兒界人氣不斷提升，但係佢冇諗過向演藝界進軍，反而主力做網絡直播節目，拉近同粉絲之間嘅距離。另外，佢喺網購平台開設個人店舖，所賣嘅商品係大家估唔到嘅情趣用品，佢更做埋生招牌，親自展示各種情趣玩具同情趣內衣，相信巴打見到佢嘅情趣內衣Look，肯定會流晒口水呀！
簡介：可能有人話着情趣內衣都只係濕濕碎，皆因阿妹經常以性感造型示人，但原來佢仲識得自製性感內衣嘅話，大家又點睇呢？唔使講嘢，即刻去佢個人微博（目及）（目及）喇！
網址：http://www.weibo.com/u/5766817111?is_hot=1
出生地：北京
身高：170cm
三圍：35、24、35
撰文：魂