政情：公民講場：張炳良企硬 上樓唔畀打尖

本港樓價仍然高企，有來自地產界嘅立法會議員尋日就年輕人買唔起樓提出質詢，要求政府放寬或撤銷雙辣招，或推措拖助年輕人置業。運房局局長張炳良就回應話，政府唔可以隨便採取「年輕人優先」住屋政策，亦暫時無意撤銷或放寬「雙辣招」。佢又提到，政府喺長遠房屋策略中曾經討論再推首次置業貸款（首置），但擔心會令需求上升，得不償失。其實當年政府推出首置，樓價一跌就令大量負資產出現，所以先至斬纜，如果依家重推，只會益咗地產商，但分分鐘再引發負資產危機，究竟議員諗清楚未呢？