- on.cc 東網主頁
- 3月28日 (五)
由前學民思潮核心組成嘅政黨香港眾志近日美加之行，原本係推銷其推動自決運動及籌募經費，兼且呼籲海外港人返港在立法會選舉投票，誰知該黨秘書長黃之鋒在美國史丹福大學演講期間，被曾於佔領行動爆發初期返港聲援嘅八十後移民港人多番質疑，更鬧爆部分泛民主派同學生領袖在佔領行動部署上欠強硬立場，又表明唔會在立法會選舉投票給該黨及「傳統」泛民政黨，簡直係（火羅）爆！
黃之鋒在演講後嘅答問環節上，遭一名八十後移民港人狂插，先質疑其父母是公民黨黨員，又要求佢澄清對性小眾群組（LGBT）作過分保守嘅言論。有傳媒報道指該名移民港人在佔領行動爆發後，即買機票返港聲援，並曾於金鐘及旺角佔領區參與抗爭，佢直指本來相信和平抗爭有望爭取普選，但其所見所聞，令佢覺得部分泛民同學生領袖，於建構港人的身份認同和運動部署上，均欠缺強硬立場。
該移民港人曾在佔領現場講咗句「我們不是中國人」，即遭工黨立法會議員何秀蘭嘅助理怪責。佢表明聽畢黃之鋒演講後，更肯定唔會在立法會選舉投票給香港眾志及「傳統」泛民政黨。香港眾志成立後發生多次甩轆事件，而黃之鋒亦因失言惹起爭議需要認衰道歉，今次連曾支持佔領行動嘅同路人都明言唔支持佢哋，真係被噴到一臉灰。
卓妮
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
