中環出更：沈運龍謀突破 結他創紀錄

寶石結他叫「Circles of Life（生命之輪）」，象徵生命循環不息、有高有低。Aaron話，生意都一樣有起跌，但面對低潮絕對唔可以靠低價，因為香港並無鬥平嘅條件，產品要具備特色設計，先可以為品牌賦予生命力，咁樣客人先有更多嘅理由幫襯佢，亦吸引到大公司合作，更可以解決投資問題

嚴志明帶動家具潮流

從事家具生意嘅香港工業總會副主席嚴志明就話，創立品牌最緊要係創造潮流，因為潮流千變萬化，盲目跟風會好辛苦。佢又以辦公室設計由自成一角嘅屏風，慢慢轉變到簡約、輕鬆嘅風格為例，認為公司講求合作，如果好似以前咁，不如返屋企辦公喎，所以佢就希望用創新設計，帶動家具潮流喇。

廠商會副會長陳淑玲（中）與會董鄧錦添（左）及常務會董盧金榮（右）一睹寶石結他風采。

黃家和（左）同嚴志明（右）大談建立品牌嘅條件。

香港品牌發展局主席黃家和對建立品牌都有自己睇法，但因為佢從事餐飲業，認為面對嘅問題比其他行業更難！佢解釋，餐飲業容易複製，所以只可以靠質素、品質同埋信譽，留個好印象畀顧客以建立品牌喇。

商務及經濟發展局局長蘇錦樑都有出席活動，更手痕拎起寶石結他作狀彈奏，出盡風頭，但就難為副局長梁敬國要出席立法會工商事務委員會接受議員質詢囉。

卓妮