探射燈：每改每衰 愈炒愈貴

有球隊更直指，即使署方的訂場安排一改再改，仍然是場地難求，更擔心場地愈炒愈貴。

更難預訂 坐地起價

「炒場嗰啲唔會訂唔到場，反而以前收開七百蚊，可能之後要八百蚊，因為難訂咗！」標準流浪青訓總監羅國豪坦言，即使康文署更新網上訂場系統，部分足球賽會仍有辦法搶先取得場地，再坐地起價向參賽球隊收費。他坦言，署方的訂場安排曾多次修訂，例如現時規限，每人每日只准訂場一個半小時，但相關足球賽會有專門人手訂場，個體戶難以抗衡，羅希望政府可以加強打擊。