不論任何年齡嘅人，喺生命中唔同嘅時段都會有唔同嘅夢想，只係隨住年紀增長，夢想呢樣嘢好似只係過去嘅產物，未來總係好難達到。不過對內地嫩模思淇嚟講，擁有出眾外形同標致五官嘅佢，為咗實現夢想，決定做好現在，希望有朝一日能夠達成心願。
年輕人總係有好多夢想，而對呢位現時20歲，嚟自四川重慶並出道一年多嘅模特兒思淇嚟講，佢最大嘅夢想係成為大眾女神！英文名叫Sukiii嘅佢，呢個名字相當特別，據講佢之所以多咗兩個「i」字，係想無時無刻提醒自己，每件事嘅成功與失敗都係同自己有關，而點樣面對佢哋亦係從自己嘅心出發。雖然佢講嘅說話好似好成熟，而且出道已經有成年幾嘅時間，好似喺社會上打滾咗一段時間，但事實上佢卻係一個性格調皮嘅美少女，並最愛喺拍攝時搞笑一番，故此被攝影師稱為開心果。如此一位可人美少女，卻擁有令任何一位男士心動嘅要點，就係佢前凸後趷嘅火辣身材，尤其係佢一對迷人巨乳，不論着上性感內衣，或者換上迷人兔女郎裝，都能充分展現出誘惑無比嘅胸器。
佢初出道時以萌系巨乳美少女形象示人，而喺處女寫真中，更以超萌嘅孖辮少女造型登場，呢種萌到極致嘅做法，令佢嘅人氣極速飆升。正當大家以為佢未來只有萌系美少女一條路線可走之際，跟住佢喺另一輯寫真中，以挑戰極限嘅性感形象亮相，帶畀粉絲耳目一新嘅感覺！如此豐富嘅可塑性，除咗令佢嘅寫真受到極大歡迎外，佢又經常以車模及平面模特兒嘅身份，喺各個車展及平面媒體上亮相，當中尤其係化身性感車模嘅佢，嗰種誘人魅力真係無人能敵。
喺唔少人眼中，樣靚身材正嘅女神性格總係諸多挑剔，佢亦屬於當中一位，只係佢所挑剔嘅並非其他人同事，而係鍾意挑剔自己嘅缺點，好似佢最唔鍾意自己塊面太過圓。大家驟眼睇落去，其實佢塊面並唔係好圓，卻原來佢屬於易肥體質，尤其係啱啱過去咗嘅農曆新年期間，由於佢缺少運動又經常食嘢關係，令到自己塊面變得愈嚟愈圓。若然係其他模特兒嘅話，一定會用修圖工具嚟修飾自己嘅面形，只係對佢嚟講不但唔介意同人分享，仲喺上載圓面自拍照後，再嚟多句「話說這是一個圓臉的自拍」嚟自嘲一番。當然，自嘲過後佢開始積極減肥，除咗係為咗自己模特兒身份應負嘅責任外，更因為佢自去年中開始，便主持網絡直播節目。
究竟佢直播啲乜呢？除咗同粉絲閒話家常同分享生活嘅點滴外，仲會喺網絡上同大家一齊打機。至於佢嘅打機水平係點呢？都算係高手一名嚟（口架）！不過，雖然佢係一個高手，但仍然會有失手嘅時候，好似佢之前喺個人微博上分享：「雖然昨天遊戲被坑哭了，但是寶寶依然很堅強。」打輸畀人固然唔開心，只係後面嗰句卻係嗲到一眾粉絲心郁郁，試問有邊個男士可以唔畀佢嘅甜言蜜語所打動呢？講到未來嘅發展，佢表示希望能夠成為一位人見人愛嘅女神，並且可以喺唔同嘅平台上有所發展，發揮自己嘅潛能就最為理想不過。
出生地：重慶
身高：170cm
三圍：35、25、34
簡介：作為新進萌系女神，思淇嘅賣點唔單止在於佢可愛嘅樣貌上，更在於佢極具焦點性嘅上圍，配合佢性感無比嘅寫真，所散發出嚟嘅迷人魔力真係令人難以抗拒。想發掘佢更深層次嘅一面，就要去佢個人微博，透過自己對眼睛深入認識佢。
網址：http://weibo.com/u/3983662140
撰文：魂