政情：有相為證：許華傑變「中餅」喊冤枉

大批新舊香港青年聯會中人早前出席分享會，曾任青聯主席嘅現任青聯顧問王敏剛於社交網站上載圖片，期間將青聯新舊人分類，形容自己同立法會進出口界議員黃定光係「老餅」，而同為前青聯主席嘅姚祖輝及許華傑屬於「中餅」，至於去年中卸任青聯主席嘅霍啟剛，及其弟弟霍啟山等人則為「嫩餅」，其中許華傑對於被嗌「中餅」大呼冤枉，笑言以後「仲使出嚟搵食」，但不消一會，佢都承認，始終依家嘅青聯成員比較後生，先至了解目前青年遇到嘅問題。